இலவச சுகாதாரத்திற்கான சர்வதேச பாராட்டு

இலங்கையின் இலவச சுகாதார சேவை சர்வதேச அங்கீகாரத்தைப் பெற்றுள்ளதாக யுனிசெப் தெரிவித்துள்ளது.

ஐக்கிய நாடுகளின் சிறுவர் நிதியத்தின் இலங்கைக்கான பிரதிநிதி கிறிஸ்டியன் ஸ்கூக், சுகாதார அமைச்சின் செயலாளர் டொக்டர் பாலித மஹிபாலவைச் சந்தித்த போதே இதனைத் தெரிவித்துள்ளார்.

இலங்கையில் சுகாதாரத் துறையுடன் தொடர்புடைய யுனிசெப்பின் தற்போதைய மற்றும் வரவிருக்கும் திட்டங்கள் குறித்து சுகாதார அமைச்சின் செயலாளருக்கு இங்கு தெரிவிக்கப்பட்டுள்ளது.

இலங்கையில் குழந்தைகளின் போசாக்கு மட்டத்தை மேலும் அதிகரிப்பதற்கு மேற்கொள்ள வேண்டிய அடுத்தக்கட்ட நடவடிக்கைகள் தொடர்பான கணக்கெடுப்பு ஏற்கனவே இடம்பெற்று வருவதாகவும், விரைவில் அறிக்கை வழங்கப்படும் எனவும் யுனிசெப் பிரதிநிதி அங்கு தெரிவித்துள்ளதாக கூறப்படுகிறது.